ခရစ္စမတ်ချိန်ခါ မိသားစု ဆွေမျိုးစုံလင် ဆုံကြသည်။
၁၉၈၉ ခုနှစ် ခရစ္စမတ်အကြိုနေ့....
အဘိုးနှင့် အဘွား အိမ်ကျဉ်းလေးထဲမှာ...
အဘွားနှင့် အမေများက စားရေးသောက်ရေးအတွက် အစီအစဉ်ချ...
အဖေများကတော့ တိုင်းရေးပြည်ရေး ဆွေးနွေး...
အသက် ၉၄ ရှိပြီဖြစ်တဲ့ ဘွားအေကြီး နိုင်းနိုင်းကတော့ ထိုင်နေကျ ကုလားထိုင်လေးမှာ မြေးများအလုပ်ရှုပ်နေကြသည်ကိုထိုင်ကြည့်...
(ကျွန်မတို့ကဏ္ဍ ရောက်လာပါပြီ........)
အဘိုးနှင့် ကလေးတစ်သိုက်က အနီးအနားရှိ သစ်ကိုင်းတစ်ချောင်းကို ရှာခုတ် (ထင်းရှူးပင်မရှိသောကြောင့် တွေ့ရာအကိုင်းသာ ချိုင်ရသည်။) အစ်ကိုဝမ်းကွဲတစ်ယောက်ကတော့ သစ်ကိုင်းစိုက်ရန်အတွက် အနီးအနားရှိ အိမ်အောက်များမှ ပန်းအိုးလွတ်ကို လိုက်ရှာလေရဲ့။ ပန်းအိုးရရုံနှင့် မပြီး ပန်းအိုးထဲ ထည့်ဖို့ သဲလည်း ရှာရသေးသည်။
ပစ္စည်းအားလုံး စုဆောင်းပြီးလျှင် ချိုင်လာတဲ့ အကိုင်းကို မြေပန်းအိုးထဲစိုက်ပြီး အလှဆင်ကြသည်။ အလှဆင်ရန်အတွက်လည်း တန်ဖိုးကြီးအလှပစ္စည်းတွေရှိသည်မဟုတ်။ လမ်းထိပ်ဆိုင်က သကြားလုံးများ နှင့် ပင်ပေါင်ဘောလုံးများကိုဝယ်ပြီး မြေးအဘိုးတစ်သိုက်ရဲ့ ခရစ္စမတ်သစ်ပင်ကြီးကို အလှဆင်ကြသည်။ အားလုံးပြီးစီးသွားလျှင် ကလေးတစ်သိုက် တစ်ယောက်ပြီးတစ်ယောက် ရေချိုးကြရသည်။
ထို့နောက်... မြေးအဘိုးတစ်သိုက် ဖဲ ရိုက်ကြသည်။ (ကျွန်မသည် ထိုအချိန်က ၉ နှစ်) ဖဲကစားခြင်းကို ၁၉၈၈ အရေးခင်းဖြစ်သောကာလ အဘိုးအိမ်တွင် မိသားစုများစုနေကြချိန် ကလေးများ ငြိမ်စေရန်အတွက် အဘိုးမှာ အတူနေ မြေးအားလုံး (၅ ယောက်) ကို ဖဲ စကားနည်း သင်ထားပေးခြင်းဖြစ်သည်။ များသောအားဖြင့်က ပိုကာ၊ ၂၁ ပေါက်၊ ကိုးမှီး တို့ကစားကြသည်။ ဒေါင်းကြေးကလည်း ၁ဝ ပြား၊ ပြား ၂ဝ။ အဘိုးက ဒိုင် လုပ်သည်။ (ကလေးထဲက ဒိုင်လုပ်လျှင် ငြင်းခုံကြသောကြောင့်) ကျွန်မနှင့် ကျွန်မထက် တစ်နှစ်သာကြီးသော အစ်ကိုဝမ်းကွဲ (ပန်းအိုးရှာသူ) နှစ်ယောက်ပေါင်း ဖဲ ဝှက်လေ့ရှိသည်။ ကျွန်မ မောင်လေးကတော့ မနိုင်မချင်း ဆော့ချင်သမား။ ကျွန်မကတော့ ကိုယ်နိုင်ပြီးလျှင် ရပ်လိုက်သည်။ ကိုယ်ရှိတာလေးပြန်ပါသွားမှာ စိုးရိမ်သည်။ သို့သော် ဖဲ သမား သိက္ခာအရ အနိုင်ပိုင်းထွက်မသွားသင့်။ ကံကောင်းသည်က ကျွန်မ အကြွေထုပ်ကြီး (ငါးပြား ဆယ်ပြား) ပျောက်ပျက်မသွားခြင်းပင်ဖြစ်သည်။
ဖဲအတော်အတန်ကြာ ကစားပြီးသည်နှင့် ညနေလည်းစောင်းလာပြီ။ အခြား ဆွေမျိုးမောင်နှမများလည်း အဘိုးအိမ်ရောက်လာကြသည်။ ကလေးအင်အား တောင့်လာသည်။ (အဘိုးတွင် စုစုပေါင်း မြေး ၁၃ ယောက်ရှိသည်။) ထို့ကြောင့် ကလေးများ ခြံထဲထွက်ပြီး ပစ္စည်းဝှက်ရှာတမ်းကစားကြသည်။ အဘိုးမှ ပစ္စည်းတစ်ခုစီကို တစ်နေရာစီဝှက်ထားပြီး ကလေးများက အဖွဲ့ခွဲကာ မြေပုံနှင့် ရှာကြသည်။ ထိုကစားနည်းပြီးလျှင် စိမ်ပြေးလိုက်တမ်း ကစားလိုက ကစားကြသေးသည်။
ညနေစောင်း ကလေးများ ကစားလို့မောလာလျှင်... အဘိုးအိမ်အောက်မှာ အဘိုးပြောလေ့ရှိတဲ့ ဂျပန်ခေတ်က ရှေးဟောင်းနှောင်းဖြစ်များကို နားထောင်ကြပြီး ဧည့်ခန်းကျယ်တွင် တန်းစီအိပ်ကြသည်။
ညဘက်ချိန်ခါ... အိပ်ယာမဝင်မီ.... လူကြီးများကတော့ အဒေါ်ငယ်လုပ်ထားသော ရှမ်းဝက်သားချဉ်ကို မြည်းကြသည်။ အဘွားမသိအောင် လူကြီးများသည် ဝက်သားချဉ် အစိမ်းများစားသည်။ အဘွားသိလျှင် ဝက်သားချဉ်များ ပိုးသေရန် ဆီနှင့်ကြော်လိုက်သောကြောင့် လူကြီးများ မကြိုက်ကြပါ။ ထို့ကြောင့် တိတ်တဆိတ် စားကြသည်။
ခရစ္စမတ်အကြိုနေ့ပြီးဆုံးပါပြီ။
ခရစ္စမတ်နေ့မှာတော့ စားကြသောက်ကြ မိသားစုအချင်းချင်း လက်ဆောင်တွေ အပြန်အလှန်ပေးကြ။ ဆုတောင်းကြ။ အိမ်နီးနားချင်းတွေဆီ လည်ပတ်ကြ။ အားလုံးပျော်ကြသည်။
၂ဝဝ၈ ခရစ္စမတ်အကြိုနေ့....
အဘိုးအိမ်မှာ အဘွားတစ်ယောက်ထဲသာကျန်တော့သည်။ မြေးတစ်သိုက်နဲ့ ကစားနည်းပေါင်းစုံ ဖန်တီးပေးတတ်တဲ့ အဘိုးလည်းမရှိတော့..... နိုင်းနိုင်းလည်းမရှိတော့... အဘွားမှာ ကျွန်မအမေနှင့်သာ ခရစ္စမတ်အချိန်ကုန်ဆုံးမည်ဖြစ်သည်။
ခရစ္စမတ်သစ်ပင်စိုက်ဖို့ ၈၉ တုန်းက ကလေးတွေကလည်း တစ်ယောက်တစ်နေရာစီ...
ပန်းအိုးရှာသူ၊ ဖဲအတူဝှက်ခဲ့တဲ့ အစ်ကိုကလည်း မူးယစ်ဆေးလွန်သောကြောင့် မရှိတော့....
အိမ်ထောင်ကျသူကျ... စားဝတ်နေရေးကြောင့် တိုင်းတစ်ပါးထွက်သူထွက်...
ဆွေမျိုးစုံလင်တွေ့ဖို့မဆိုနှင့်... မိမိ မိသားစုနှင့်တောင် အတူမရှိနိုင်။
အဝေးမှသာ အားလုံးအတွက် ပျော်ရွှင်သောခရစ္စမတ်ဖြစ်ပါစေ။ မိသားစုနှင့် အတူ ရှိနိုင်ကြပါစေလို့ ဆုတောင်းလိုက်ပါသည်။
ကိုယ်ပိုင်မိသားစုလေးရလျှင် ကိုယ်ပိုင်ကလေးများကို ဆွေမျိုးများနှင့် တစ်နှစ်တစ်ခါတော့ တွေ့ဆုံဖြစ်အောင် ကြိုးစားပေးရမည်။
